Д-р Нико Беќаровски, кој често на својот фејсбук профил објавува стручни размислувања, совети и апели поврзани со коронавирусот, сега апелира до здравствените власти да ги набават тие комбинирани тестови, имајќи предвид дека е важно брзо и точно да се дијагностицира за кое вирусно заболување се работи.
„Со доаѓање на есента и зимата оваа година неминовно ќе нѐ заплисне и сезонскиот грип. Затоа додека цените на тестовите сѐ уште не се скапи на светската берза, веднашп набавете ги брзите комбинирани антигенски тестови Covid/InfluenzaA/B Combo test, со кои на релативно евтин и временски краток рок ќе може да веднаш да дијагностицираме болни од ковид-19 и сезонски грип. За еден месец можеби ќе биде предоцна“, вели д-р Беќаровски.
