Според информациите од полицијата, првопријавениот, без да поседува соодветна дозвола за вршење промет со хемикалии, извршил противправен увоз на опасна токсична хемиска супстанца – елементарен јод со чистота од 99,9 проценти, во вкупна количина од 25 килограми.
Како што соопшти СВР Куманово, хемиската супстанца била внесена од Турција по претходен договор со второпријавениот од Слупчане, кој бил задолжен за преземање на пратката.
Полицијата презела мерки за документирање на случајот, по што против двајцата е поднесена соодветна кривична пријава. Надлежните институции дополнително ќе утврдуваат за каква намена требало да биде употребен елементарниот јод, кој се смета за опасна токсична хемиска супстанца и чиј промет подлежи на строги законски процедури и дозволи.
