Возачите на Волво освоиле 115 поени на скалата за коефициент на интелигенција, што укажува дека имаат натпросечна интелигенција.
Според Дејли стар, истражувачите од платформата Фрибетс побарале од 2.000 британски возачи да направат тест за интелигенција и ги прашале каков автомобил возат. Резултатите од тоа истражување покажаа дека возачите на Волво се најпаметните на патот.
„Отсекогаш постоело мислење дека возачите на Волво се разумни и еве го доказот“, рече портпаролот на Фрибетс, Тим Агњу.
Возачите на Волво постигнале 115 поени на скалата за интелигенција, што укажува дека имаат натпросечна интелигенција. Сепак, возачите на БМВ и Мини морис имале најнизок коефициент на интелигенција, што потенцијално ги прави најлоши возачи. Тие постигнале само 87 поени на скалата за интелигенција, што се смета за под просекот.
Возачите на Шкода, Тесла, Тојота и Хонда исто така се најдоа меѓу првите пет, што значи дека имаат повисок коефициент на интелигенција од другите возачи. Возачите на Ленд Ровер, Воксхал и Фиат беа меѓу последните пет.
Меѓу возачите со најнизок коефициент на интелигенција се сопствениците на „Ауди“.
„Ако сте возач на Шкода, Тесла, Тојота или Хонда, можете да се пофалите себеси“, рече Агњу.
Резултатите од тестовите за интелигенција од 130 и повеќе се сметаат за „многу супериорна“ интелигенција, додека резултатите од 120 до 129 се сметаат за „супериорни“, од 110 до 119 за „висок просек“, од 90 до 109 за „просек“, од 80 до 89 за „низок просек“ и од 70 до 79 за „граничен“, додека 69 и подолу укажуваат на „интелектуална попреченост“.
Возачите на Шкода го освоија второто место со 113 поени, возачите на Тесла и Тојота го делат третото место со 112, додека возачите на Хонда имаа 111 поени. Возачите на Фолксваген беа петти со 109, Нисан шести со 107, Хјундаи и Киа седми со 106, Форд осми со 102, Јагуар деветти со 101 и Мерцедес-Бенц десетти со 99.
Меѓу возачите со најнизок коефициент на интелигенција се сопствениците на Ауди, на 11-то место со 98 поени, Пежо и Рено, кои го делат 12-то место со 96, Ленд Ровер на 13-то место со 91, Воксхол на 14-то место со 90 и Фиат на 15-то место со 89. Возачите на БМВ и Мини се на дното на листата, на 16-то место, со само 87 поени.
