Новиот клуб на Аврамовски минатата сезона се натпреваруваше во третиот ранг на турскиот фудбал, а преку баражот избори промоција. По обезбедениот пласман меѓу второлигашите, раководството започна со засилувањата, а едно од првите имиња е токму македонскиот офанзивен играч за врска.
Аврамовски доаѓа од Сиваспор, каде минатата сезона настапи на 28 натпревари. Македонецот постигна пет погодоци и запиша една асистенција, оставајќи солиден впечаток во второлигашката конкуренција.
За 29-годишниот фудбалер ова ќе биде четврта последователна сезона во турскиот фудбал. Претходно, покрај Сиваспор, го носеше и дресот на Кајзериспор, а во кариерата настапуваше и за Работнички, Македонија Ѓорче Петров, Црвена звезда, ОФК Београд, Олимпија, Војводина, Вардар, Сараево, Болуспор и Игдир.
