Тврдењата на Трамп дека САД мора да го стекнат или контролираат Гренланд, полуавтономна данска територија, долго се извор на тензии во односите меѓу Вашингтон и Копенхаген – две членки основачи на НАТО – и во пошироките односи на САД со Европа.
Прашањето оттогаш се префрли на дипломатско ниво. „Подготвени сме да го браниме секој сантиметар од НАТО, вклучувајќи ја и нашата сопствена територија… Секако дека ќе го браниме Кралството Данска“, рече Фредериксен, повторувајќи дека Гренланд не е на продажба.
„Една од причините зошто го изградивме НАТО пред многу, многу години е тоа што ако нешто му се случи на еден од нас, тогаш сите треба да се залагаме еден за друг“, рече таа.
Трамп во вторникот во Анкара изјави дека Гренланд треба да биде под контрола на САД, а не на Данска. „Гренланд треба да биде под контрола на САД, а не на Данска“, изјави Трамп пред новинарите за време на средбата со турскиот претседател Реџеп Таип Ердоган.
Trump on Greenland: “That’s what hurt my relationship with NATO. Because Greenland doesn’t help Denmark. Denmark doesn’t spend money to really help Greenland, but it’s an important part for the United States. And it’s surrounded by China ships and Russian ships. Greenland should… pic.twitter.com/MdvZPdGrEn
— Aaron Rupar (@atrupar) July 7, 2026
Тој додаде дека спорот околу Гренланд ги нарушил односите меѓу САД и НАТО. „Тоа го наруши мојот однос со НАТО бидејќи Гренланд не е од корист за Данска. Данска навистина не вложува пари за да му помогне на Гренланд, а тоа е исклучително важно за Соединетите Американски Држави. Опкружен е со кинески и руски бродови, а тоа нема да биде дозволено“, рече Трамп. „Тие не сакаа да се согласат со тоа, и покрај целата помош што им ја дававме во врска со Русија“, додаде тој.
Американскиот шеф на дипломатијата Марко Рубио изјави во јуни дека разговорите со Данска и Гренланд за тоа прашање продолжуваат на месечно ниво.
