Маските имаат вградени сензори за еднократна употреба, кои можат да бидат вградени и во други маски за лице, и можат да бидат прилагодени за откривање на други вируси.
Тие се сместени во внатрешноста на маската и можат да детектираат вирусни честички во здивот и се дизајнирани така што корисникот може да ги активира кога е подготвен да го изврши тестот. Резултатите заради приватност се прикажуваат само на внатрешната страна на маската.
Развојот на сензори какви што се користат во новата маска е започнат пред неколку години. Претходно се користеле за откривање на инфекции со вирусот ебола и зика.
„Овој тест е исто толку чувствителен како и златно-стандардниот, високо чувствителниот PCR-тест, но исто така е брз како антигенските тестови кои се употребуваат за брза анализа на ковид-19“, рече истражувачот на Универзитетот Харвард, Питер Науиен.
Истражувачите аплицирале за патент за новата технологија и се надеваат дека ќе соработуваат со компании за понатамошен развој на сензорите.
„Се надеваме дека оваа платформа може да поттикне нова генерација на носни биосензори за итните служби, здравствениот и воен персонал“, рече професорот по медицинско инженерство и наука на МИТ, Џејмс Колинс.
