Со месеци светот вознемирено ја следи состојбата со коронавирусот во Индија. Бројот на заразени и починати луѓе растеше секој ден, речиси немаше места во болниците, повеќето индиски сојузни држави пријавуваа недостиг од медицински кислород, а граѓаните минуваа низ кошмар. Индијците се зажелеа по слобода, па затоа со првите знаци на подобрување на епидемиолошката состојба и олеснувањето на мерките, многумина заминаа на патувања. Ова, сепак, може да биде сериозен проблем.
Индиските власти не се задоволни од ваквиот развој на настаните, бидејќи сметаат дека овие патувања може да создадат нови жаришта и дека ситуацијата многу брзо може да се врати на старо.
Ситуацијата кулминираше до тој степен што индиското федерално Министерство за здравство го нарече ова однесување „одмазднички туризам“. Тие дури издадоа предупредување за „туристите-одмаздници“. За време на брифингот со новинарите, претставниците на Министерството рекоа дека „одмаздољубивите патувања“ може да го поништат целиот досегашен напредок во борбата против короната, пренесува Индипендент.
Феноменот на луѓе што патуваат веднаш по ублажувањето на мерките против коронавирусот не е поврзан само со Индија. Сепак, тука се посветува посебно внимание на тоа, бидејќи оваа земја годинава помина низ вистински пекол кога станува збор за пандемијата.
„Меѓу 600.000 и 700.000 туристи нагрнаа во студената северна хималајска држава Химачал Прадеш, и тоа само во јуни, веднаш штом мерките малку се ублажија“, рече Амит Кашиап, директор на одделот за туризам во таа држава.
Pictures speak- No room in hospital to no room in hotels at Manali in some days. ?#manali pic.twitter.com/uKkLFRyMW9
— Amarpreet Singh (@amarpreet_ka) July 4, 2021
Сликите и видеата од толпи луѓе без маски, гужви на улиците, се споделуваат на социјалните мрежи. Многумина сега се загрижени дека третиот бран на пандемијата ќе им тропне на вратата.
Балрам Бхаргава, директор на Индискиот совет за медицински истражувања, ги опиша сликите како „застрашувачки“.
„Сликите што ги видовме се застрашувачки и мора да бидеме многу внимателни, многу одговорни“, рече тој.
#WATCH | Tourists throng Manali town in Kullu district as Himachal Pradesh government eases COVID restrictions pic.twitter.com/snIiwfcIo5
— ANI (@ANI) July 5, 2021
Во Делхи слични сцени беа видени на пазарите, принудувајќи ја владата да нареди затворање на продавниците на Централниот пазар и чаршијата, бидејќи протоколите околу ковид-19 беа грубо прекршени.
Во разговор за Индипендент, експертот за туристичка индустрија Субхаш Гојал рече дека сцените од хималајските држави покажале дека „дефинитивно одиме кон трет бран“, иако тој го поддржува повторното отворање на економијата и сериозно погодениот туристички сектор.
„Постои побарувачка за патувања и јас се согласувам со отворање на туризмот, како и со отворање на меѓународните граници, но во исто време владата и народот мора да обезбедат строго почитување на јавните мерки“, рече Гојал, кој е претседател на индиската Конфедерација на професионалци во туризмот.
„Казните за луѓето што го загрозуваат животот на илјадници други луѓе треба да бидат заострени“, додаде тој.
Traffic Jam on Shimla-Narkanda route on weekend. Tourists flouted to hills. @ndtvfeed pic.twitter.com/QH3XCo0eNC
— Aflah ul haque (@journoaflah) July 3, 2021
„Видовме дека дојде уште еден бран затоа што бевме невнимателни. Мислевме дека го победивме ковид. Тогаш два милиони луѓе отидоа на фестивалот Кумбх мела, беа организирани избори, а резултатот беше пред нас“, рече Гојал.
„Апелирам до централната влада да ја отвори економијата, но со примена на мерки што ќе им овозможат на вакцинираните и на оние што се тестираат да патуваат, бидејќи индустријата го сноси најголемиот товар на карантинот“, додаде тој.
Во Индија повеќе од 400.000 луѓе починаа од коронавирусот, од кои половина починаа за време на разорниот втор бран. Адитиа Гупта, лекар во индиска болница, го загубил татко си од коронавирус. Тој е гневен што луѓето одат без маски, осврнувајќи се на многубројните фотографии што кружат на Твитер.
„Луѓето што одат без маски ме разбеснуваат. Вие сте проклети убијци. Вие, сите вие што не носите маска, вие го убивте татко ми“, рече тој.
I’m done. I seriously am. I don’t know how to say this but I feel so fucking numb and want to end everything.
People walking around with no masks makes me so furious. Like you all are bloody murderers. You – every single one of you not wearing a mask- killed my father.— Aditya Gupta (@Adityaiims) July 6, 2021
Фотографиите предизвикаа бран слични пораки, каде што луѓето зборуваа за своите најблиски што ги загубиле за време на пандемијата на коронавирусот.
Индија сè уште регистрира просечно околу 40.000 случаи на ден, повеќе од Индонезија, за каде што се вели дека инфекциите растат врз основа на нови 31.189 случаи на ден и Бангладеш со 11.525 случаи. Во двете азиски нации се воведени мерки на карантин, додека од јуни во Индија ограничувањата постепено се олеснуваат држава по држава.
