Претседателот на Соединетите Американски Држави, Доналд Трамп, денеска изјави дека е „многу разочаран“ од НАТО и дека Соединетите Американски Држави не добиле доволно поддршка од своите сојузници, пренесува Ен-би-си.
Trump on NATO:
I was very disappointed with NATO. And frankly, if it weren’t held in Türkiye, where my friend — a very strong leader, very strong person — it’s possible that I would not have attended. pic.twitter.com/fWkCAE32Qv
— Clash Report (@clashreport) July 7, 2026
Зборувајќи на прес-конференција со турскиот претседател Реџеп Таип Ердоган на самитот на НАТО во Анкара, Трамп рече дека можеби немаше да присуствува на самитот доколку не се одржуваше во Турција, земја чиј лидер, рече тој, е „силна личност“.
„Да не се одржуваше во Турција, каде што мојот пријател е многу силен лидер, многу силна личност, можеби немаше да присуствувам“, рече Трамп, одговарајќи на прашање за можноста за повлекување на американските трупи од Европа.
Американскиот претседател го критикуваше НАТО за тоа што, според него, не ги поддржал САД во операциите против Иран. „Не сме третирани добро затоа што направивме нешто во Иран“, рече Трамп, додавајќи дека САД инвестираат многу во НАТО за да ги заштитат европските земји, Канада и другите сојузници.
Тој оцени дека сојузниците требало да бидат подготвени да му дадат поддршка на Вашингтон, но дека, како што рече, тоа не било случај.
Тој конкретно се осврна на потезите на поранешниот британски премиер Кир Стармер, кој поднесе оставка на 22 јуни.
„Што се однесува до Обединетото Кралство, нивниот премиер… претпоставувам дека тој повеќе не е на функција, можеби токму поради ова. Направи нешто многу непопуларно. Тој рече: „Не, ќе помогнеме кога ќе заврши војната“. Реков дека не ми треба таква помош“, изјави Трамп. „Воопшто не ни требаше помош. Јас некако ги тестирав луѓето. Ги тестирав за да видам дали ќе бидат со нас.“
