Со рангирањето на националните првенства според ЕХФ-коефициентот, Македонија е во деветте земји кои имаат сигурни претставници во Лигата на шампионите и оттука, денешната објава на ЕХФ е само формализирање на правото на нашиот првак, Вардар, да игра во елитата.
Покрај него уште девет екипи имаат фиксни места меѓу 16-те, шампионот и вториот во Германија (Кил и Фленсбург), како водечка европска сила и прваците на земјите рангирани до деветто место (ППД Загреб, Алборг, Барселона, ПСЖ, Пик Сегед, Кјелце и Порто).
Преостанатите шест места во ЛШ ќе им бидат доделени на екипи кои побарале „валјд-карта“ или како што го нарекуваат во ЕХФ „апгрејд“, односно надградба на статусот од Европската лига, во Лигата на шампионите. За тоа конкурираат 12 екипи, а меѓу нив не е Еурофарм Пелистер, кој, на пример, лани побара да биде вметнат во елитата, но не доби зелено светло.
View this post on Instagram
