Од страна на инвестициската групација, Меморандумот го потпиша претседателот на Бордот, Хамад Ал Шамси.
Како што соопшти Министерството за дигитална трансформација, целта на Меморандумот е да се воспостави соработка во подготовката на стратешки и инвестициски презентациски материјали, обезбедување советодавна поддршка, усогласување со најдобрите практики од Обединетите Арапски Емирати и меѓународните стандарди, како и поддршка во процесот на привлекување меѓународни инвеститори, стратешки партнери и технолошки оператори.
Од Министерството наведуваат дека преку ваквите активности продолжуваат да работат на отворање нови можности за поголема меѓународна видливост на Македонија во областа на дигиталните инвестиции, иновациите и напредните технологии.
Според Министерството, соработката претставува значаен чекор кон зајакнување на дигиталниот екосистем, создавање услови за нови партнерства и поддршка на иницијативи што можат да придонесат за економски развој и подобро позиционирање на државата во глобалните технолошки текови.
