Роналд Куман денеска се појави на прес конференција, но наместо да одговара на новинарски прашања, тренерот на Барселона само прочита кратко соопштение, стана и си замина.
Според пишувањата на АС, Холанѓанецот ги известил четворицата капитени за својата намера, како и за содржината на соопштението и побарал нивно мислење.
Капитените му дале поддршка, но го предупредиле дека одбрал опасна патека и нема враќање назад.
АС додава дека Куман бил многу лут и одбил да се повлече од намерата. Тој е разочаран од однесувањето на бордот, смета дека од раководството до медиумите протекуваат имиња за нови тренери, а при разговорите лице во лице, сите му велат дека се е под контрола.
Сега останува да се види каква ќе биде реакцијата на Жоан Лапорта, не се исклучува можноста Роналд Куман веднаш да добие отказ и да не ја предводи Барса против Кадиз.
