И-икс60 е првиот целосно електричен автомобил дизајниран, развиен и произведен во Шведска, потврдувајќи ја долгорочната посветеност на Волво кон матичната земја како центар за развој и производство на премиум електрични возила.
Моделот носи импресивни технички карактеристики: опсег до 810 километри, полнење од 10 до 80 проценти за само 16 минути, а цената е споредлива со најпродаваниот модел икс-це60 со плагин хибриден погон.
„Денес е важен момент за нашата компанија и за Шведска како целина. Фокусирани сме на постојаниот раст на квалитетното производство на и-икс60, кој ќе биде профитабилен двигател на растот во наредните години“, кажа Хакан Самуелсон, извршен директор на Волво карс.
Поради исклучително силната побарувачка на клучните европски пазари, како што се Шведска и Германија, Волво веќе најави зголемување на обемот на производство за 2026 година. Фабриката во Торсланда планира да работи дополнителна недела во текот на летото за прв пат во својата историја за да ги покрие нарачките, додека книгите за нарачки за американскиот и азискиот пазар се отвораат подоцна оваа година.
