Романскиот претседател не го прецизираше потеклото на дронот и рече дека истрагата е во тек.
Подрачјето било ненаселено, па пилотот можел да пука без никаква опасност. Во моментов, тимовите на релевантните институции го истражуваат подрачјето за да ги добијат сите детали за инцидентот, напиша Дан.
O dronă a fost doborâtă în spațiul aerian al României de un pilot F-16, deasupra județului Buzău. Primele imagini din zona unde a fost doborâtă. https://t.co/r9feMQVyxN pic.twitter.com/50hfPbXDmI
— TVR Info (@StirileTVR) July 24, 2026
Ова е првпат земја членка на НАТО да собори дрон по серија упади, објави Ројтерс. Полска и балтичките земји исто така претрпеа вакви упади, што поттикна загриженост дека границите на НАТО се во опасност.
Романското Министерство за одбрана соопшти дека дронот бил соборен во близина на градот Падина во округот Бузау на истокот од земјата.
Во соопштението се вели дека два романски авиони Ф-16 и два италијански авиони „Еурофајтер тајфун“ со седиште во Романија полетале како одговор на упадот, додавајќи дека дронот првпат бил откриен со радар во 9:30 часот наутро, околу 20 километри источно од Сулина на брегот на Црното Море.
Романија, која дели копнена граница од 650 километри со Украина, пријави повеќекратни нарушувања на нејзиниот воздушен простор од страна на руски беспилотни летала откако Москва почна да ги напаѓа украинските пристаништа преку Дунав.
Кон крајот на мај, дрон се урна во станбена зграда во градот Галац, во близина на украинската граница, при што беа повредени две лица, што е првпат напад да погоди густо населена област во земја членка на НАТО и да предизвика повреди за време на војната во Украина.
