Според информациите од Министерството за внатрешни работи, на 23 јули 2026 година, во 23:45 часот, малолетничката дошла во ОВР Ресен и побарала полициска помош, при што пријавила дека била физички нападната од нејзината мајка С.А. и нејзиниот очув А.А.
Како што е наведено во пријавата, по физичкиот напад малолетничката се здобила со повреди. По добиената пријава, полициските службеници презеле мерки и активности и ги лишиле од слобода двајцата осомничени.
Од МВР информираат дека по целосното документирање и расчистување на случајот ќе биде поднесена соодветна пријава против лицата.
