Според полицијата, на 24 јули 2026 година, околу 21:20 часот, пријавените насилно влегле во домот на К.Ѓ. во селото Сарај, струмичко, каде што физички ги нападнале К.Ѓ., З.Ѓ., Р.Ѓ., В.Ѓ., Б.М., Б.Ѓ. и две малолетни лица, нанесувајќи им телесни повреди.
Во текот на инцидентот, Т.Ј. и Г.Т., според сомневањата, се обиделе против нејзина волја да ја одведат Р.Ѓ.
При интервенцијата на полицијата, Б.Д. агресивно се однесувал кон полициските службеници кои постапувале по случајот и физички нападнал двајца од нив.
Осомничените биле лишени од слобода и задржани во Полициската станица Струмица, а за случајот бил известен јавен обвинител од Основното јавно обвинителство Струмица.
За време на настанот, К.Ѓ. излегол на терасата од куќата и со ловечка пушка испукал два истрела во воздух. По целосното документирање на овој дел од настанот, против него ќе биде поднесена соодветна кривична пријава.
