Како што информираше полицијата, при пасошка контрола, гранични проверки и преглед на возило „хјундаи“ со германски национални ознаки, во кое двајцата биле сопатници, кај нивниот личен багаж биле пронајдени и одземени марихуана и банкноти за кои постои сомнение дека се фалсификувани.
Кај Х.Т. биле пронајдени марихуана и 34 банкноти од по 50 евра, за кои постои сомнение дека се фалсификувани. Кај А.А. биле пронајдени и одземени марихуана и шест банкноти од по 50 евра со сомнителна автентичност.
Двајцата биле предадени на полициски службеници од СВР Куманово, а по целосното документирање на случајот против нив ќе биде поднесена соодветна пријава.
