„Да не беше нашата војска и нашата опрема, Украина денес немаше да може да се бори за опстанок. Им дадовме опрема вредна стотици милијарди долари и тоа најдобра опрема. И произведуваме најдобра опрема во светот. Без тоа, тие немаше да издржат ниту ден или два“, рече Трамп.
Трамп се осврна и на испораката на противтенковски ракети на Украина, веројатно алудирајќи на преносните системи „џавелин“ што му беа продадени на Киев за време на неговиот прв претседателски мандат.
„Се сеќавате на противтенковските ракети? Кога тенковите се заглавија во калта, а тие тогаш ги средија, бум-бум-бум-бум. Токму јас им го дадов тоа. Се зборуваше: ‘Обама ги даде чаршафите, а Трамп едно од најразорните оружја’“, рече американскиот претседател.
Trump: Ukraine would not have lasted one or two days without American support. Remember the anti tank missiles when Russian tanks got stuck and were destroyed? Obama gave sheets. Trump gave Javelins. We have the greatest military equipment anybody has ever seen. pic.twitter.com/qqPCdUB8ll
— Tymofiy Mylovanov (@Mylovanov) June 5, 2026
Претставничкиот дом на американскиот Конгрес синоќа усвои закон со кој се обезбедува воена помош за Украина, поддршка за обновата на земјата и се воведуваат нови санкции за Русија.
Законот беше ставен на гласање преку посебна постапка, таканаречена петиција за гласање, со која се заобиколија редовните комисии. На демократите им се придружија 18 републиканци и еден независен претставник, Кевин Кајли, чиј глас овозможи да започне процесот.
Во меѓувреме, американскиот државен секретар Марко Рубио сигнализираше дека наскоро се очекува објава за воена помош од 400 милиони долари за Украина, која Конгресот веќе ја одобри.
