Централната команда на САД (ЦЕНТКОМ) соопшти дека три беспилотни површински бродови од типот „Корсер“ учествувале во нападот, извршен во неделата. Според ЦЕНТКОМ, ова е прва употреба на американски поморски дронови за напад во борбена операција.
Станува збор за беспилотни летала што беа користени како дронови за еднократна употреба во оваа операција. Објавените снимки покажуваат бродови како се приближуваат кон пристаништето со голема брзина, проследени со експлозии.
Погледнете го видеото објавено од Централната команда на САД.
Yesterday, using multiple one-way attack surface drones, CENTCOM forces successfully struck a submarine and ship maintenance facility in Iran. Three Corsair unmanned surface vessels hit the port at Bandar Abbas Naval Base, marking the first time American forces have employed sea… pic.twitter.com/bOM2kmgRxz
— U.S. Central Command (@CENTCOM) July 13, 2026
„Ноќните напади ја ослабнаа способноста на Иран да продолжи да напаѓа трговски бродови“, соопшти ЦЕНТКОМ. Командата не даде информации за можни жртви или детална проценка на штетата, а обемот на штетата не можеше независно да се потврди.
Дел од поширок бран американски напади
Нападот со поморски беспилотни летала беше дел од новиот бран американски напади врз десетици воени цели во Иран. ЦЕНТКОМ соопшти дека целите вклучувале системи за воздушна одбрана, крајбрежни радари, ракетни и беспилотни летала, како и помали воени бродови.
Американските сили во операцијата користеа борбени авиони, воени бродови, напаѓачки воздушни дронови и, за првпат, напаѓачки поморски дронови. Целта на операцијата, според американската војска, била да се намали способноста на Иран да го загрози меѓународниот превоз преку Ормускиот Теснец.
Нападите започнаа откако беше погоден контејнерски брод
Најновите американски напади следеа откако контејнерскиот брод ГФС Галакси, кој пловеше под кипарско знаме, беше погоден во Ормускиот Теснец. Вашингтон за нападот ја обвини Иранската револуционерна гарда.
Бродот претрпел значителна штета на машинската просторија и избувнал пожар, што го спречило да продолжи со своето патување. Еден член на екипажот, индиски државјанин, сè уште е исчезнат, додека другите членови на екипажот се спасени.
Иранската револуционерна гарда тврдеше дека го нападнала бродот откако тој ги игнорирал предупредувањата и се обидел да плови по рута што Иран ја прогласил за нелегална. Кипарските власти соопштија дека бродот бил погоден од неидентификувана ракета.
