„Ако нешто ме изненади за време на изборите, не беше како Путин ги фалсификуваше резултатите, туку колку послушно семоќните големи технолошки компании станаа негови соучесници“, напиша Навални во порака на Твитер.
Thread.
(1/14) If something surprised me in the latest elections, it was not how Putin forged the results, but how obediently the almighty Big Tech turned into his accomplices.
— Alexey Navalny (@navalny) September 23, 2021
„Едно е кога монополистите на интернет се управувани од фини гикови кои ја сакаат слободата, со солидни принципи за животот. Но, сосема друго кога тие луѓе истовремено се кукавици и алчни“, додаде тој.
(8/14) It is completely different when the people in charge of them are both cowardly and greedy.
— Alexey Navalny (@navalny) September 23, 2021
Навални напиша дека на големите екрани ни велат дека сакаат да го „направат светот подобро место“, но внатре има само „лажговци и лицемери“, експлицитно посочувајќи ги Гугл, Епл и Инстаграм.
(9/14) One of the modern challenges is that false prophets now come to us not in sheep’s clothing, but in hoodies and stretched jeans. Standing in front of the huge screens, they tell us about “making the world a better place”, but on the inside they are liars and hypocrites.
— Alexey Navalny (@navalny) September 23, 2021
Под притисок на Москва, Гугл и Епл минатиот петок прифатија од своите онлајн продавници во Русија да ја повлечат апликацијата за изборите на тимот на Алексеј Навални.
Апликацијата овозможува да се добијат упатства за кого и како да се гласа за најдобро да се победат кандидатите на Кремљ на парламентарните избори, одржани од 17 до 19 септември.
Гугл блокираше и две видеа на Јутјуб, чиј сопственик е таа технолошка компанија, каде што поддржувачите на руската опозиција ги објаснуваа тие упатствата.
Системот за пораки Телеграм, многу популарен во Русија, исто така, ги повлече упатствата на 18 септември на барање на руското регулаторно тело за телекомуникации.
Според изворите контактирани од страна на агенцијата Франс прес, властите се заканиле дека ќе ги уапсат вработените во тие технолошки компании во Русија.
Руската опозиција посочи на масовни малверзации на изборите, на кои владејачката партија освои двотретинско мнозинство во парламентот.
