Роботските системи треба да бидат воведени на почетокот на мај, експериментот е планирано да трае до 2028 година, по што би се разгледала нивна трајна употреба.
Роботи од кинеско производство ќе бидат одговорни за транспорт на багаж и товар на патници по пистата на еден од најпрометните аеродроми во Јапонија, кој годишно опслужува повеќе од 60 милиони патници.
На демонстрација одржана за медиумите, беше прикажан хуманоиден робот висок околу 130 сантиметри, како турка товар и симулира работа на аеродромска платформа.
Операторите на проектот наведуваат дека роботите можат да работат два до три часа без прекин, по што треба да ги наполнат батериите.
Претставниците на Џапан ерлајнс и партнерите во проектот истакнаа дека употребата на роботи може да го намали физичкото оптоварување на вработените и да ја подобри ефикасноста во услови на растечки број на патници и недостиг на работна сила.
Сепак, компанијата нагласува дека клучните безбедносни и оперативни работи ќе продолжат да ги извршуваат луѓе, додека роботите ќе преземат физички потешки и рутински задачи, вклучувајќи го и чистењето на кабините на авионите.
