Четвртина милја помина за само 6,87 секунди, со максимална брзина од 356 километри на час, што го направи најбрзиот електричен автомобил во светот.
Мустанг кобра џет 2200 е изграден врз претходниот модел, кобра џет 1800, и наместо четири електрични мотори, сега користи два. И покрај ова, вкупната моќност се зголемува од 1.800 на дури 2.200 коњски сили. Покрај тоа, времето на полнење е пократко, тежината на возилото е 408 кг помала, па затоа не е изненадувачки што е уште побрз на патеката.
Форд дополнително ги подобри безбедносните системи. Автомобилот има систем за итно исклучување на напојувањето кој користи мала експлозивна направа. Можат да го активираат возачот, членовите на тимот или персоналот на патеката и служи за моментално прекинување на главната електрична врска.
Една од најинтересните технологии се наоѓа во менувачот. Кобра џет 2200 користи повеќебрзински менувач и центрифугална спојка, што овозможува подобра контрола на вртежниот момент при стартување. По почетното забрзување, системот се префрла на директен погон, што обезбедува максимална ефикасност при големи брзини.
Првиот електричен мустанг кобра џет беше претставен во 2021 година. Со повеќе од 1.400 КС, ја помина патеката за 8,128 секунди, со излезна брзина од 276,8 км/ч. После тоа, мустанг кобра џет 1800 пристигна во 2023 година, а сега доаѓа најновата итерација со дури 2.200 КС.
It’s official: The Ford Racing Mustang Cobra Jet 2200 has clocked a new record time of 6.87 at 221 mph – now the quickest electric car on the planet.#FordRacing pic.twitter.com/drmvH2XRp6
— Ford Racing (@FordRacing) April 25, 2026
