Вучиќ ги претстави роботите, речиси исти како оние што го пречекаа неодамна во Кина, како свои пријатели, тврдејќи дека играат оро „дури и подобро“ од него. „Драги граѓани, ова се Милутин и Драгутин, моите двајца пријатели. Нашите српски роботи. Сè е тука: носиите, шајкачите и Моравац, кое го играат подобро од мене“, кажа Вучиќ.
Потоа тој и самиот се обиде да танцува со нив и, демек, се пошегува на своја сметка: „Ништо не ми оди“.
Тешко е да се опише целото видео, па затоа е најдобро сами да го погледнете.
Kako pobogu zna koji je Milutin, a koji Dragutin? pic.twitter.com/UiAxqQGPOv
— Darko Lesinger (@DarkoLesinger) June 26, 2026
Претседателот на Србија, кој би сакал (повторно) да стане премиер за да продолжи да владее со Србија, под притисок од протестите и студентските иницијативи што започнаа по трагичното уривање на стреата во Нови Сад, најави дека на митингот закажан за 27 јуни во 18 часот ќе се појават и роботите.
Тој изјави дека целта на собирот е да се промовира единство, да се зачува традицијата и да се изгради „модерна Србија“.
„Особено ги поканувам младите луѓе затоа што вие сте тие што треба да ја водат земјата во иднина“, кажа тој, додавајќи дека е потребно да се зајакне единството и меѓусебното почитување, како и „почитувањето кон постарите лица“.
На крајот, тој нагласи: „Не смееме да ја делиме земјата. Нашата Србија мора да биде модерна земја, но и земја што ги чува своите традиции“.
