Канадската агенција за животна средина издаде здравствени предупредувања откако небото над најголемиот град во земјата пожолте, а швајцарската технолошка компанија Ај-кју ер, која го следи квалитетот на воздухот на глобално ниво, соопшти дека воздухот во Торонто е најзагаден на планетата, пишува Гардијан.
Ситуацијата дополнително ја влошува топлотниот бран, кој го урна температурниот рекорд стар три децении. Во центарот на градот се измерени 37,3 Целзиусови степени, додека температурата на пистите на главниот аеродром достигнала дури 55 степени.
Current scenes from Toronto, Canada, as thick, heavy plumes of wildfire smoke blanket the city. It is experiencing the worst air quality in the world right now. pic.twitter.com/mv4CzmuDdU
— Weather Monitor (@WeatherMonitors) July 15, 2026
Шумските пожари што беснеат низ северозападниот дел на Онтарио доведоа до задолжителни евакуации на бројни заедници на Првите народи. Жителите на заедницата Намајгоосисагагун раскажаа дека имале само неколку минути да избегаат со чамци преку езерото Колинс.
Драматична снимка направена од воз во близина на заедницата Армстронг ја прикажува брзината и жестината на огнената стихија.
„Огнот може да нè зафати… Станува малку страшно“, се слуша гласот на член од екипажот додека огнениот ѕид минува покрај прозорците. „Сега сме опкружени со пламен.“
🔥’ This could potentially OVERTAKE US’ — Train caught inside a raging inferno of a spreading wildfire in Northern #Ontario, #Canadapic.twitter.com/dJG9MdT0SK
🚆🔥Trains carrying flammable materials were stranded after being overtaken by nearby fires near Collins. OPP are now…— ⚡️🌎 World News 🌐⚡️ (@ferozwala) July 15, 2026
Железничката компанија Канадиан нејшнл потврди дека екипажот безбедно е евакуиран од загрозеното подрачје.
На социјалните мрежи се шират фотографии од семејства кои со чамци бегаат од своите домови, додека во позадина се издигаат огромни столбови чад.
Scenes from Northern Ontario 😳 pic.twitter.com/F6WAfBSXbZ
— 6ixBuzzTV (@6ixbuzztv) July 15, 2026
„Родниот град на моето семејство, Колинс во Онтарио, исчезна“, објави фотографката Надја Квандибенс.
Политичките претставници изразија загриженост поради размерите на катастрофата.
„Ова на што сведочиме е разорно“, изјави Сол Мамаква, пратеник од покраинската Нова демократска партија.
„Цела една заедница на Првите народи е збришана во оваа катастрофа. Бидејќи шумските пожари ги затвораат автопатите и ги загрозуваат населените места низ северот, ги повикуваме сите да ги следат упатствата на службите за итни случаи и да бидат подготвени доколку биде потребна евакуација.“
Покраинската претставничка за регионот, Лис Вожеа, ги потврди трагичните вести.
„Колинс изгоре до темел. Ова е трагедија и благодарни сме што сите успеаја безбедно да се извлечат“, изјави таа.
„Пожарите се дел од природниот циклус, но екстремните температури што ги бележиме низ регионот и сè почестите екстремни временски непогоди се показател за климатските промени.“
Последиците од пожарите се чувствуваат и надвор од границите на Канада. Според Си-ен-ен, предупредувања поради лошиот квалитет на воздухот се издадени во големи делови од Мичиген, Минесота и Висконсин. Прогнозите најавуваат дека густиот чад подоцна во текот на неделата би можел да се прошири и кон Њујорк, Вашингтон и други градови долж источниот брег на САД.
