Новите фотографии се појавија во време кога британските власти потврдуваат дека истрагите за Ендру Маунтбатен-Виндзор и лорд Питер Манделсон, кои се однесуваат на нивните врски со покојниот финансиер и осуден сексуален престапник Џефри Епстин, би можеле да траат повеќе од една година, пишуваат странските медиуми.
Двајцата беа уапсени во февруари под сомнение за злоупотреба на службена должност и овластувања, но беа ослободени да се бранат од слобода додека трае истрагата. И Ендру и Манделсон ги негираат сите обвиненија.
Andrew Mountbatten-Windsor is seen with huge mystery bruise on his face as he drives out of his Sandringham home – but sources insist there is ‘no cause for concern’ https://t.co/c5kOdp9TUo
— Daily Mail (@DailyMail) June 5, 2026
Дополнително внимание кон случајот повторно привлекоа документи од Министерството за правда на САД. Имено, уште во март, беше објавена досега првата позната фотографија на која се Ендру, Манделсон и Епстин заедно.
🚨 PICTURED: The first known photo of Jeffrey Epstein, Peter Mandelson and Andrew Mountbatten-Windsor sitting together pic.twitter.com/aGJ9YxBqZh
— Politics UK (@PolitlcsUK) March 13, 2026
На фотографијата се гледа тројката како седи на маса на тераса со шолји украсени со американско знаме, а според ИТВ њуз, таа е направена на островот Мартас Вињард помеѓу 1999 и 2000 година, пред Епстин да биде осуден за сексуални злосторства.
Во документите не е наведено дека самата фотографија укажува на каква било нелегална активност, но нејзиното објавување дополнително го зголеми јавниот интерес за односот меѓу двајцата британски функционери и Епстин.
🇬🇧 Infamous ex-prince Andrew Windsor was spotted with large bruise on his face
One would say he took a beating, but it turns out he has a “non-serious medical condition”
Just two weeks ago, Andrew reportedly didn’t have a blemish on his face pic.twitter.com/NXbU7QMdOI
— Lord Bebo (@MyLordBebo) June 5, 2026
Главниот државен обвинител Стивен Паркинсон рече дека никој не треба да очекува брзо решавање на случајот.
„Навистина мислам дека никој не треба да очекува брзо решение. Воопшто не би било изненадувачки ако трае повеќе од една година, не поради недостаток на итност, туку поради самата сложеност. Постои и меѓународна димензија како дополнителен фактор што треба да се земе предвид“, рече Паркинсон.
Тој додаде дека во вакви случаи, доказите често се добиваат преку сложени меѓународни процедури во кои може да бидат вклучени странски судови, што дополнително го забавува процесот. Тој нагласи дека истрагата ја води полицијата, додека Државното обвинителство дава правни совети за време на постапката.
Новите информации доаѓаат по објавувањето на вториот сет документи поврзани со назначувањето на Манделсон за амбасадор на Велика Британија во Соединетите Американски Држави. Документите повторно ја отворија дебатата за неговите врски со Епстин и безбедносните проверки што му претходеа на назначувањето.
Ендру се пресели во Марш Фарм на имотот Сандрингам во февруари, откако го напушти својот долгогодишен дом, Ројал Лоџ. Фотографиите од модринката привлекоа дополнително внимание на јавноста додека истрагата за него продолжува.
