Проектот вреден 1,4 милијарди евра го води инвестициската фирма на Џаред Кушнер, „Афинити партнерс“, на остров покрај албанскиот брег и неразвиен дел од крајбрежјето во близина на заштитеното подрачје Вјоса-Нарта, мочуриште каде што живеат фламинга, фоки и морски желки кои се гнездат на југот од земјата.
Еколозите се спротивставуваат на планот, за кој велат дека би можел да влијае на стотици хектари недопрени плажи и илјадници фламинга што се гнездат и минуваат низ областа секоја година.
A drone view showing a protest in Albania against a luxury resort development planned by a company linked to Jared Kushner
📸: REUTERS/Florion Goga pic.twitter.com/Mi64wq8kDO
— Acyn (@Acyn) June 4, 2026
Почетокот на изградбата и пристигнувањето на тешка механизација на локацијата Вјоса-Нарта предизвикаа локални протести минатата недела, кои потоа ескалираа во големи улични демонстрации во Тирана.
Демонстрантите повторно се собраа доцна во четврток пред канцеларијата на албанскиот премиер Еди Рама, држејќи розови фламинго-балони и скандирајќи „револуција“ и „запрете го проектот“. На еден транспарент пишуваше: „Еди Рама, поднеси оставка“.
Thousands protest in Albania against Kushner real estate project.
The demonstrators argue that the estimated $1.2 billion project, led by Kushner and his wife Ivanka, will harm the environment, with plans for luxury hotels in the protected area of Vjosa-Narta on the southern… pic.twitter.com/8NFmjfQ209
— AFP News Agency (@AFP) June 5, 2026
„Албанија не е на продажба. Албанија му припаѓа на албанскиот народ и ние одлучуваме што сакаме да правиме тука. Не можат некои корумпирани политичари кои ја водат Албанија да одлучуваат што да прават со нашиот имот, со албанското наследство, природното и културното наследство“, рече Линдита Комани, писателка која се придружи на протестите.
Jared Kushner vs the Flamingos – Albanians protest against luxury resort plans https://t.co/jWCSLKM5nz
— Daniel Rozario (@Daniel_ABR5) June 5, 2026
Рама го бранеше проектот. Инвеститорите рекоа дека ќе се фокусираат на „одговорно управување и подобрување на животната средина“.
Албанската министерка за економија и иновации Делина Ибрахимај изјави во четврток дека се подготвуваат проценки на влијанието врз животната средина за предложената инвестиција, која ќе мора целосно да ги почитува законите за животна средина и да го заштити локалното живеалиште.
Европските директиви за заштита на животната средина и албанското законодавство даваат правни гаранции против проекти што би можеле да им наштетат на заштитената лагуна и околните живеалишта, рече министеркатат, како што објави албанската државна агенција АТА.
Во 2024 година, Кушнер објави планови за изградба на одморалиште како дел од поширока инвестиција што вклучуваше и поранешно седиште на војската во Белград. Минатата година, тој се откажа од проектот во Србија по уличните демонстрации.
