Инцидентот се случил на Државниот универзитет Перм, еден од најстарите универзитети на Урал. Социјалниот медиум на училиштето во понеделникот наутро ги предупреди сите што се во кампусот да го напуштат, ако е можно, или да се затворат во соба.
Истражителите велат дека напаѓачот одзел осум животи, а шест лица се повредени.
Во меѓувреме, здравствените власти во Перм соопштија дека има повеќе од 10 жртви во инцидентот.
Видео објавено на социјалните мрежи, направено на местото на настанот, покажува како луѓето бегаат низ прозорците.
На друго видео снимено од внатрешноста на зградата се гледа како вооружено лице облечено во црно и со шлем полека шета низ кампусот додека ужасените луѓе бегаат.
Кризата заврши со апсење на сторителот, објавија универзитетот и полицијата. Според некои медиуми, тој бил повреден од полицијата.
Полицијата соопшти дека пукачот е студент на универзитетот каде што се случија нападите. Според претходни, непотврдени информации, тој е 18-годишниот „осамен волк“ (не ѝ припаѓа на ниедна група), Тимур Бекмансуров, кој наводно оставил белешка во која на социјалните мрежи ги опишува своите мотиви.
