„Луѓето сè почесто консумираат вести преку Фејсбук, Тикток и Гугл, па затоа според нас е фер овие платформи да ја поддржуваат работата на новинарите, што исто така влијае на нивните приходи“, кажа министерката за комуникации Аника Велс. Платформите кои одбиваат да преговараат ќе на крајот плаќаат повеќе, додаде Велс.
Според нацрт-законот, данокот би го платиле дигиталните платформи со годишен приход во Австралија од над 250 милиони австралиски долари, а одлуката би стапила на сила во фискалната 2025/2026 година. Владата би ги распределила парите на медиумите според критериумот на бројот на вработени, со поголеми стимулации за соработка со помалите издавачи. Платформите засновани на вештачка интелигенција се регулирани со посебен закон.
Водечките медиумски куќи во Австралија, вклучувајќи ги Најн ентертејнмент, Еј-би-си и Њуз корп Австралија, го поддржаа предлогот, нарекувајќи го клучен за одржливоста на секторот. Мета и Гугл остро го критикуваа.
Мета вели дека тврдењето дека платформите „земаат“ вести е погрешно и предупредуваат дека законот ќе создаде зависност на медиумите од државни субвенции. Гугл исто така ја отфрли потребата од нов данок. Тикток не објави коментар.
Новиот модел треба да го замени законот од 2021 година, кој ги обврзуваше платформите да плаќаат за вестите, но според проценката на владата, тој повеќе не ги дава посакуваните резултати. Поради тој закон на Мета ѝ беше привремено блокирано споделувањето вести, а потоа склучи договори со неколку австралиски медиумски куќи, кои истекоа во 2024 година.
