Мумифицираните остатоци му припаѓаат на поединецот на култура која се развила меѓу брегот и планините на оваа јужноамериканска земја. Мумијата, чиј род сè уште не е специфициран, е откриена во регионот Лима, кажа археологот Питер ван Дален Луна од универзитетот Сан Маркос.
„Главната карактеристика на мумијата е што целото тело ѝ е изврзано со јажиња и што рацете ѝ го покриваат лицето, што веројатно било дел од локалниот погребен обичај“, кажа Ван Дален Луна, а пренесува Гардијан.
Мумијата е најдена во подземна структура откриена на периферија на градот Лима. Во гробницата се најдени и керамика и камено орудие.
Во Перу има стотици археолошки наоѓалишта од култури кои се развиле пред и по царството на Инките, кое доминирало низ Јужна Америка пред 500 години.
[video:https://youtu.be/j3WJae0b5Ag autoplay:0]
