„Немам друг избор освен да ги прекинам сите контакти со Калас додека не ја повлече оваа крвна клевета упатена кон единствената еврејска држава во светот, која воедно е и единствената демократија на Блискиот Исток“, порача денес израелскиот министер за надворешни работи Гидеон Саар на социјалната мрежа Икс.
Ms. @kajakallas, the EU High Rep. for Foreign Affairs and Security Policy, has for some time now been acting obsessively and with blatant unfairness toward the State of Israel.
Recently, it was published that during her visit to Mexico, she compared Israel to the racist…
— Gideon Sa’ar | גדעון סער (@gidonsaar) June 18, 2026
Дигиталниот медиум Еурактив минатата недела објави дека Калас ги дала овие изјави во мај за време на посетата на Мексико.
Калас, која е висока претставничка на ЕУ за надворешна политика, денес му одговори на својот израелски колега дека Европската Унија останува посветена на конструктивните односи со Израел.
„Го ценам нашиот дијалог и ангажман и подготвена сум во тој дух и да продолжиме, со почит и конструктивно“, напиша Калас на Икс во објава упатена до Саар, пренесува Ројтерс.
„За да се постигне мир на Блискиот Исток, решението со две држави останува единствениот одржлив пат. ЕУ ги осудува нелегалните израелски населби на Западниот Брег, кои сè повеќе го отежнуваат постигнувањето на оваа цел. Тоа е ставот на Европската Унија“, напиша таа.
Dear Gideon, as you know, the EU and Israel have a lot that binds us. I value our dialogue and engagement, and I’m open to continue in that spirit, respectfully and constructively. Dialogue is the foundation of diplomacy, especially when differences arise. The EU is always…
— Kaja Kallas (@kajakallas) June 18, 2026
Агенцијата Франс прес пренесува дека Саар веднаш ѝ возвратил на Калас, порачувајќи дека неговата одлука „останува непроменета“ сè додека дипломатката не разјасни дали навистина го употребила зборот „апартхејд“.
„Ситуацијата е едноставна: ако навистина сте ги дале овие озлогласени и клеветнички изјави, признајте. Ако не сте ги дале, негирајте ги. Додека не се открие вистината, мојата одлука останува непроменета“, додаде шефот на израелската дипломатија.
Израел во моментов контролира околу 64 отсто од Појасот Газа, кој беше речиси целосно разурнат во текот на двегодишната израелска офанзива по нападот на Хамас врз јужен Израел.
Израелскиот премиер Бенјамин Нетанјаху на крајот на мај ѝ нареди на израелската војска да ја прошири контролата и над 70 отсто од оваа тесна палестинска крајбрежна територија.
