Лошото време и дождот направи многу проблеми на организаторите, па не беше реализирана целата програма – мечот во двојки не се одигра, откако македонските тенисери ги добија сингл мечевите.
Во првиот меч Калин Ивановски го совлада Александре Бакши со 2-0 во сетови (75 62), за потоа Олег Приходко со пресврт да стигне до победа во мечот со Саба Пурцаладзе со 2-1 во сетови (67(4) 61 63). Од причина што имаше долг прекин поради дождот и победникот беше решен, мечот во двојки не се одигра.
Македонија го освои второто место во групата, зад Молдавија, а пред Грузија и Косово.
Денеска во дуелот за промоција – пласман во Втората Светска Група македонските тенисери ќе играат против Црна Гора.
