„Романот на Наум Пановски се заснова на проверени факти и посветена истражувачка работа и во него за прв пат е расветлен уделот што во животот на Коста Солев го одиграле две образовани млади жени, Невенка Вуиќ и Малина Поп Иванова, со кои тој ги споделувал и ги градел своите прогресивни идеи, поглед кон светот, замислата и борбата за класна правда во општеството. Во својот роман Пановски порачува дека сите носиме одговорност и вина за неговата трагична смрт“, се наведува во дел од образложението на одлуката за доделување на наградата на Пановски.
Наградата „Рациново признание“ ќе му биде врачена на свеченото отворање на 63-тото издание на меѓународните Рацинови средби.
