Иако скробниот зеленчук често се смета за лош избор за слабеење поради неговата висока содржина на јаглехидрати и калории, експертите истакнуваат дека таквата храна сепак обезбедува важни хранливи материи.
Зеленчукот, вклучувајќи ги и скробните видови, може да биде дел од здрава исхрана за слабеење ако се подготвува на соодветен начин.
Белиот компир често се наоѓаат на листите на храна што треба да се избегнува, но нутриционистката Анџела Конењи вели: „Компирите често се демонизирани поради нивната содржина на скроб и висок гликемиски индекс, особено кога се пржат или се преработуваат многу“.
Таа истакнува дека компирот добро заситува, особено се издвојува резистентниот скроб, вид на јаглехидрат кој се вари побавно и може да го поддржи чувството на ситост и цревниот микробиом. Затоа се препорачуваат варени или печени компири со лушпа наместо помфрит и чипс.
Морковот исто така има лоша репутација поради својата природна сладост, но нутриционистката Џеси Винстед истакнува дека заедно со таа сладост доаѓаат и растителни влакна, витамини и антиоксиданти. Поради високата содржина на вода и растителни влакна, може да го продолжи чувството на ситост, а покрај тоа е нискокалоричен, бидејќи една чаша сурови сечкани моркови има 52 калории. Таа исто така вели дека можат да бидат поздрава замена за чипс, како и додаток во сосови како хумус.
Зелениот грашок ја нагласува комбинацијата од влакна и протеини. Нутриционистката Кимберли Џексон вели: „Зелениот грашок е посебен зеленчук бидејќи нуди ретка комбинација од 8 грама растителни влакна и 8 грама протеини по чаша“.
Џексон додава дека таквата комбинација може да му помогне на лицето да остане сито подолго време, а грашокот е опишан и како прифатлива, практична и разновидна состојка за супи, салати и други јадења.
Пченката, особено во лето, често се поврзува со зголемување на телесната тежина поради нејзината природна слаткост, но се вели дека едно мало клавче содржи само 5 грама природен шеќер, 122 калории и 3 грама влакна. Како и компирите, пченката содржи отпорен скроб, додека храната како пченкарни тортиљи, пуканки, гриз и пченкарно брашно се смета за интегрални житарки.
Заклучокот на експертите е дека ниту една храна сама по себе не го одредува успехот во губењето на тежината, туку урамнотежениот начин на исхрана е најважен долгорочно.
