Стручњаците ја следеле таканаречената „возраст на срцето“, односно биолошката возраст на срцето во однос на реалната животна возраст на лицето. Кога срцето е биолошки постаро од организмот, ризикот од срцев удар, мозочен удар и други кардиоваскуларни заболувања се зголемува.
Според истражувачите, хроничниот стрес поврзан со финансиски проблеми може да доведе до зголемено лачење на стрес хормони, покачен крвен притисок, повисоко ниво на холестерол и развој на воспалителни процеси во организмот.
Научниците предупредуваат дека здравјето на срцето не може да се гледа само преку медицински фактори на ризик. Финансиската сигурност, условите за живот и социјалните околности исто така играат важна улога во одржувањето на здравјето и спречувањето на кардиоваскуларните заболувања.
