„Наполитанците“ го задржаа 100% учинок, вечерва пред своите навивачи рутински го совладаа Каљари со 2-0 за шест од шест и 18 бода на врвот на табелата.
Резултатот беше отворен во 11. минута, Ангиса одлично го уфрли Зелински, кој испрати остра топка во петерецот за Осимен да реализира за 1-0.
Дилемите беа решени по десетина минути игра во второто полувреме, Годин наивно стартуваше врз Осимен и направи пенал, а Инсиње погоди од белата точка за 2-0.
Елиф Елмас натпреварот го започна од клупата за резерви, доби шанса во второто полувреме и на теренот помина дваесетина минути.
