Лео Меси ќе заработи 110 милиони евра доколку на ПСЖ му остане верен до крај и помине три сезони во Париз.
Л’Екип денеска ги откри деталите, Аргентинецот ќе има плата колку онаа на Нејмар, но разликата е тоа што во иднина, Лео Меси ќе заработува повеќе од Бразилецот.
Напаѓачот во првата година ќе добие 30 милиони евра нето, додека во втората и третата ќе добива по 40 милиони евра, благодарејќи на клаузула за лојалност и исплата од по 10 милиони евра годишно.
Весникот исто така пренесува дека 1 милион од платата, Лео Меси ќе ја добива во фан токени, ПСЖ очекува од ваквиот метод на исплата да направи профит помеѓу 25 и 30 милиони евра годишно благодарејќи на соработката со Crypto.com.
Во овие суми не влегуваат бонусите, оние за колективни и индивидуални цели, тоа значи дека Лео Меси може да заработи многу повеќе.
