Изминативе денови имаше многу гласини за иднината на Роналд Куман, по тешкиот пораз од Баерн Минхен во Лигата на шампиони, следуваа киксови против Гранада и Кадиз. Се пишуваше дека Холанѓанецот ќе добие отказ, но Жоан Лапорта не се реши на еден ваков чекор.
Барселона синоќа со 3-0 го совлада Леванте, па притисокот малку се намали. Последните информации велат дека Роналд Куман се уште е тренер поради финансиската ситуација на Камп Ноу, Барса нема пари да го избрка стратегот.
„Каталонците“ го надминуваат лимитот за плати поставен од Ла Лига, буџетот важи и за фудбалерите и тренерите, па наследникот на Роналд Куман нема да може да биде регистриран.
Барселона или ќе треба да ги зголеми приходи или пак да ја намали сметката за плати, и доколку ова не се случи, ќе биде многу тешко да се ангажира нов тренер.
