Баварците во моментов се пресилни за Барселона. Каталонскиот тим помина лошо на првиот натпревар без Меси во Лигата на шампионите.
Баерн Минхен многу лесно го доби дербито, можеше да биде и поубедливо.
Резултатот го отвори Томас Милер во 33. минута со шут од далечина. Со предност од 1-0 за Баварците заврши првото полувреме.
Во вториот дел двапати погоди Левандовски, двапати на сличен начин, топката од стативата се одбиваше кај него, па потоа тој реализираше.
Победа од 3-0 забележа и Јувентус кој му гостуваше на Малме. Трите гола беа постигнати во првото полувреме, Алекс Сандро, Дибала и Мората беа стрелци.
Челси со гол на Лукаку во второто полуврме го победи Зенит со 1-0.
Најмногу голови имаше на Ел Мадригал каде Виљареал и Аталанта одиграа 2-2.
Немаше голови на мечевите Динамо Киев – Бенфика и Лил – Волфсбург.
Претходно Манчестер јунајтед со 2-1 загуби од Јанг бојс, а Севиља и Салцбург одиграа 1-1.
