Апофис ќе помине на растојание од околу 32.000 километри од површината на Земјата, што го доближува до нашата планета повеќе од многу сателити во орбитата. Агенцијата објасни дека, за споредба, највисоките сателити кружат на надморска височина од околу 36.000 километри над екваторот.
Иако Апофис е класифициран како „потенцијално опасен астероид“, НАСА ја уверува јавноста дека неговото прелетување во 2029 година не претставува закана за Земјата. По повеќегодишно следење, научниците се уверени дека овој објект нема да претставува закана за нашата планета барем во следните 100 години.
„Нема опасност за Земјата, за никого или нешто на неа, ниту за астронаутите или сателитите во вселената“, соопшти агенцијата. „Сепак, овој настан е неверојатна и невидена можност да се дознае многу повеќе за Апофис и слични астероиди што минуваат во близина на Земјата“, додадоа тие.
Според НАСА, жителите на источната хемисфера ќе можат да го видат астероидот со голо око, но тоа ќе зависи од временските услови.
