„Нашите тела не еволуирале за работа во смени. Тоа е модерна појава што ни е наметната, дел од капитализмот каде што нè доживуваат повеќе како функционални единици отколку како вистински човечки суштества“, изјави доктор Кан. Тој објасни дека организмот не е создаден за недоследноста што ја носат ваквите работни обрасци.
„Значи, нема едноставно решение. Вашето тело не е дизајнирано за работа во смени, не е предвидено да останете будни цела ноќ една недела, а следната да работите преку ден“, продолжи тој. „Во итна помош работев година и пол и имав распоред во смени. Се обидував да спијам секогаш кога можев, но тешко е.“
Ако веќе работите во смени, тогаш тие треба да бидат конзистентни
Неговиот главен совет е „спијте секогаш кога ќе ви се укаже можност“.
„Навистина немам подобар одговор од тоа. Секогаш е подобро да се влезе во ритам, на некои луѓе навистина им одговара да работат ноќе и да спијат преку ден, за да имаат време за други активности“, рече тој.
Идеално би било, препорача, да се работи во редовни, доследни смени. „Ако можете постојано да работите во истата смена одреден временски период, за да може вашиот организам да воспостави ритам, тоа е подобро отколку постојано да го менувате. Од друга страна, недостатокот на природна дневна светлина исто така има свои недостатоци“, рече доктор Амир, заклучувајќи: „Накратко, ние не сме создадени за работа во смени“.
