Истакнат пример е партнерството меѓу Медицинскиот универзитетски канцер институт и болница Тианџин (ТМУЦИХ) и две големи руски институции: Националниот медицински истражувачки центар за онкологија Петров и рускиот Национален истражувачки медицински универзитет Пирогов. Заедно, тие направиле големи чекори во онкопластичната хирургија на гради и истражувањето на коскени метастази, поставувајќи нови стандарди во меѓународната медицинска соработка, пишува ЦГТН.
На 15 мај во Тианџин во северна Кина се одржа 8-от Кинеско-руски здружен истражувачки центар за онкопластична хирургија на гради. Водечки експерти од Русија и земји од централна Азија ги споделија најновите техники и идеи во таа област. Длабоката соработка меѓу Кина и Русија, од заедничко истражување до споделување клинички процедури го истакна успехот на соработката во здравствената грижа во рамките на кинеската иницијатива Еден појас, еден пат.
Заедничкиот истражувачки центар за онкопластична хирургија на гради официјално почна во 2019. Во 2022 година двете страни потпишаа меморандум за разбирање за поддршка на академската размена, обуката и заедничките проекти. тие формираа и меѓународен експертски тим за реконструкција на гради и почнаа јавна здравствена програма за пациенти.
Во 2020 двете земји основаа здружен истражувачки центар за малигни метастази на коски. Низ годините тие изградија опиплива база на податоци и создадоа нов модел за третман со комбинација од минимално инвазивна хирургија и интраоперативна радиотерапија. Соработката досега резултирала со 35 научни трудови, млади руски доктори и студенти сега ја посетуваат Кина, додавајќи ново поглавје на приказната за здравствената соработка.
Заедничка борба против заразните болести
Контролата на заразните болести е друга клучна област на соработката. Кинеско-рускиот симпозиум за заразни болести се одржува секоја година од 2018, а домаќини се кинескиот Центар за контрола и спречување зарази (кинескиот ЦДЦ) и Истражувачкиот центар за инфлуенца Смородинцев во Русија. симпозиумот стана витална платформа за експертите за јавно здравје од двете нации. Осмиот симпозиум се одржа во Санкт Петерсбург во ноември 2025. Во текот на два дена експертите дискутирале за грипот, туберкулозата, ХИВ/сида, моделирање на болестите и друго.
Областа на медицинските апарати
Медицинските апарати исто така станаа приоритет. Во декември 2025 се одржала кинеско-руска Конференција за соработка во индустријата на медицински апарати во Пекинг. Настанот се фокусирал на поддршка на висококвалитетниот раст во фармацевтската индустрија и поврзувањето на кинеските и руските компании.
Претходно, во септември 2025, во Шангај беше отворен кинеско-рускиот Медицински центар за соработка во технологија и опрема и Сервисна станица за регистрација на медицински апарати како дел од него. Ова создаде системска рамка за заедничка работа на истражување и развој, сертификација на производи и пласман на пазарот.
Целта на центарот е да ги здружи медицинските ресурси на двете земји, да охрабри заедничка иновација и да помогне во двонасочната размена на висококвалитетни производи. Сервисната станица за регистрација ќе помогне во клиничките потреби во Русија, ќе ја подобри комуникацијата со кинеските компании и ќе ја поддржи сертификацијата, регистрацијата и размената на таленти.
Долготрајни академски врски
Напредува и институционалната соработка. Оваа година навршува 12-тата годишнина на Асоцијацијата на кинеско-руски медицински универзитети, која обединува 140 медицински универзитети од двете земји. Тоа е најголемата и најширока мрежа на соработка меѓу кинески и руси институции од високото образование.
Асоцијацијата го промовира дијалогот, заедничкото истражување, градењето платформи и заедничката обука во медицинско образование, истражување и клиничка практика, што е вистински одраз на тоа колку стана широка здравствената соработка на Кина и Русија.
