Според информациите на Управата за хидрометеоролошки работи (УХМР), невремето нема да стивне.
„Невремето во Албанија и Косово во моментов се движи кон Македонија! Ова невреме можно е да биде со поизразени врнежи и град, а не ветер“, објавија од УХМР на официјалниот фејсбук профил.
Силното невреме проследено со пороен дожд, олуен ветер и грмежи што попладнево ја зафати земјава зад себе остави повредени лица, откорнати покриви, стотици паднати дрвја, оштетени возила и блокирани улици. Најтешко погодено е Скопје, каде само преку бројот за итни повици 112 се регистрирани повеќе од 1.000 повици од граѓани. Најтешко погодено е Скопје, каде силниот ветер откорна покриви од училишта и згради, оштети десетици возила и блокира улици. Невремето направи штети и во Куманово, Штип, Кочани и Виница, додека Стар Дојран синоќа остана зад себе со големи материјални последици.
