Активни се пожарите кај депонијата во штипското село Пенуш, во прилепското село Локвени каде што гори ниска вегетација и шума, како и кај крушевските села Јакреново, каде е зафатена нискостеблеста шума, и Пресил, каде што гори ниска вегетација.
Под контрола се пожарите кај депонијата во василевското село Доброшинци и на градската депонија во Кочани.
Во меѓувреме, изгаснати се осум пожари, меѓу кои и пожарите на улицата „Иван Иванов Балашо“ во Кочани, каде што горела ниска вегетација, како и во селото Садларево, Општина Желино, каде исто така била зафатена ниска вегетација.
Од ЦУК апелираат граѓаните да бидат внимателни при движење и престој на отворено и навремено да пријавуваат појава на пожари на надлежните служби.
