Лука Модриќ, на прагот на 41-от роденден, донесе одлука да остане во Милан уште една сезона. Италијанскиот „Скај Спорт“ доцна синоќа објави дека хрватскиот играч за врска се подготвува да потпише договор до 30 јуни 2027 година. Преговорите траеја со недели, а сега се финализираат последните детали.
Модриќ му се приклучи на Милан минатото лето по 13 години во Реал Мадрид. Во првата сезона одигра 34 натпревари во Серија А, постигна два гола и запиша три асистенции. И покрај годините, тој се покажа како клучен играч за тимот, иако Милан не успеа да се пласира во Лигата на шампионите и ќе настапува во Лига Европа.
По заминувањето на тренерот Макс Алегри, на клупата дојде Рубен Аморим, кој повеќепати го убедуваше Модриќ да остане. Се очекува ветеранoт да добива помала минутажа во новата сезона, со оглед на обврските на три фронта: Серија А, Куп на Италија и Лига Европа.
Според пишувањето на „Газета дело Спорт“, Модриќ донел и одлука за крај на репрезентативната кариера. Тој планира да се прости од дресот на Хрватска на 6 октомври во натпреварот од Лигата на нации против Шпанија на Полјуд во Сплит. Одлуката веќе му ја соопштил на селекторот Славен Билиќ.
Модриќ сака поинаков крај на кариерата, откако Милан не успеа да се квалификува во Лигата на шампионите, а Хрватска беше елиминирана во осминафиналето на Светското првенство од Португалија. Тој досега забележа 202 настапи и 29 голови за репрезентацијата, со која освои две светски медали и Златна топка во 2018 година.
Со новиот договор, Модриќ ќе остане во Милан до крајот на сезоната 2026/27, а потоа најверојатно ќе ја заврши играчката кариера. Навивачите на „росонерите“ со нетрпение го очекуваат официјалното потпишување.
