„Сите расположливи човечки и технички капацитети се ставени во функција, со цел заштита на граѓаните, имотот и градската инфраструктура, како и спречување поголеми штети. Ваквите активности се спроведуваат секојдневно, но за ефикасно функционирање на системот неопходна е и одговорност од сите нас“, наведува Градот.
Додава и дека екипите на ЈП „Водовод и канализација“ – Скопје вршат интензивно расчистување на канализациската линија, шахтите и сливниците, за да се обезбеди непречено прифаќање и одведување на атмосферските води и да се намали ризикот од поплавување на критичните точки во градот.
„Апелираме до граѓаните да не фрлаат отпад во шахтите, сливниците и на јавните површини, бидејќи тоа го блокира протокот и оневозможува правилно одведување на дождовната вода“, истакнува Град Скопје и дополнува дека останува буден, мобилизиран и во целосна служба на граѓаните.
