Како што информира Министерството за внатрешни работи, случајот бил пријавен во СВР Скопје околу 4:15 часот. Во пожарот целосно било опожарено патничко возило сеат алтеа со скопски регистарски ознаки, сопственост на А.С. (34).
Од огнената стихија биле зафатени и патничко возило мерцедес, сопственост на С.Х. (34), како и патничко возило опел, сопственост на А.С. (50), сите со скопски регистарски ознаки.
Покрај автомобилите, пожарот оштетил и дел од фасадата на станбена зграда, како и прозорци од угостителски објект што се наоѓал во непосредна близина.
На местото интервенирала екипа на Бригадата за противпожарна заштита на Град Скопје, која успеала да го локализира и изгасне пожарот, спречувајќи негово понатамошно ширење.
Засега не се соопштуваат причините за избувнувањето на пожарот, а надлежните служби работат на утврдување на сите околности под кои дошло до инцидентот.
