„Вчера Северна Македонија ја прими донацијата од над 50.000 вакцини ‘Фајзер‘ од Бугарија. Вакцините веќе се дистрибуирани и подготвени да се употребат. Важен гест на пријателство и солидарност“, напиша Османи на Твитер.
Бугарското Собрание ја одобри донацијата од над 50.000 вакцини за Македонија на 8 септември, а министерот за здравство на Бугарија, Стојчо Кацаров тогаш појасни дека донацијата требало да се изврши во јуни, но поради проблеми со процедурите тогаш тоа не било извршено. По објавата од бугарското Собрание, македонското министерство за здравство соопштија дека ќе бидат аплицирани далеку пред истекување на рокот на важност, односно за 5 до 7 дена по дистрибуцијата на пунктовите.
Се работи за вакцини чиј рок истекува на крајот на септември.
Во тогашната расправа во бугарското Собрание министерот Кацаров рече дека
ако не биде веднаш изгласана ратификација на донацијата, вакцините нема да можат да ѝ бидат дадени на Македонија, а „изборот е дали да ги уништиме или да ги подариме, затоа што на вакцините им истекува рокот до крајот на септември.
Yesterday North Macedonia reveiced a donation of more than fifty thousand #Pfizer vaccines from Bulgaria which are already distributed and ready to be used. Important gesture of friendship and solidarity. @SvetlanStoev ?????
— Bujar Osmani (@Bujar_O) September 17, 2021
