Симфонискиот оркестар од Нингбо е еден од најрепрезентативните современи симфониски оркестри, амбасадор на кинеската музичка култура чии уметници ќе настапат под диригентство на Ју Џин, помошник диригент на Кинеската филхармонија.
Од Центарот за култура-Битола, домаќин и организатор на фестивалот „Илинденски денови“, кој годинава е програмиран во 18 денови и ќе се одржува до 31 јули, информираа дека изборот на уметниците од Нингбо е резултат на поддршката од Амбасадата на НР Кина во земјава, и на Општина Битола како збратимен град со Нингбо.
Концертот на Симфонискиот оркестар од Нингбо е со наслов „Магично музичко патување низ 24-те сончеви периоди“, позната мудрост на кинескиот народ вкоренета во набљудувањето на природата, следењето на нејзиниот ритам и признаена од УНЕСКО како светско нематеријално културно наследство.
