Д-р Хал Патоф, поранешен советник во Програмата за напредни воздухопловни системи за примена на оружје и истражувач финансиран од ЦИА, го изнесе тврдењето заедно со режисерот на документарецот „Ера на обелоденување“ (Age of Disclosure), Ден Фара, во емисијата „Дневникот на еден директор“ на Стив Бартлет.
„Луѓе што биле вклучени во извлекувањата рекоа дека ги има најмалку четири вида. Четири одделни вида“, рече 89-годишникот.
„Јас немам директен пристап до тоа, но им верувам на луѓето со кои разговарав — четири одделни видови живот.“
Квантниот физичар образован на Стенфорд не даде детали за наводните вонземски видови.
Но неговиот долгогодишен соработник и поранешен колега од истата програма, д-р Ерик Дејвис, лани тврдеше дека Сиви, Нордијци, Инсектоиди и Рептилци се имињата на биолошките форми на живот извлечени од остатоците на соборени или урнати НЛО.
Дејвис тврдеше дека секој од тие вонземски видови има по две раце и две нозе и хуманоиден изглед, повикувајќи се на разузнавачки извештаи.
И Рептилците и Нордијците, според него, се со човечка големина, високи околу 180 сантиметри, рекол Дејвис на состанок на Фондот за откривање на неидентификувани аномални појави во 2025 година, на кој присуствувале конгресмените Ненси Мејс, Ана Паулина Луна и Ерик Бурлисон.
Нордијците се опишуваат како суштества многу слични на луѓето, кои, иако наводно потекнуваат од далечна планета, многу наликуваат на луѓе од северна Европа.
Рептилците, според шпекулациите на луѓе од таа област, се суштества со кожа како на гуштер, со човечки екстремитети, долги опаши, кои одат исправено.
Сивите се мали суштества, без влакна, со огромни очи — како што класично се прикажуваат во филмовите како „Блиски средби од трет вид“.
Инсектоидите се хуманоиди налик на инсекти, понекогаш нарекувани Мантиди бидејќи наликуваат на богомолка, велат експертите за НЛО.
Поранешниот разузнавачки офицер на американските воздухопловни сили и член на Работната група за неидентификувани аномални појави, Дејвид Граш, сведочеше под заклетва пред Конгресот во 2023 година дека САД поседуваат „нечовечки биолошки материјали“ извлечени од десетици урнати НЛО.
Тие тврдења, според текстот, се темелеле на сведоштва од членови на наводната програма за извлекување од урнати летала, прикажана во филмот „Ера на обелоденување“ на Фара, кој премиерно беше прикажан во март.
„Неофицијално разговарав со некои луѓе што биле вклучени во извлекувањата“, му рекол Фара на Бартлет.
„Не сакаа да застанат пред камера за интервјуа.“
„За еден мислев дека ќе даде интервју, а потоа неколку дена пред интервјуто ми испрати порака велејќи: ‘По дополнително размислување и долги разговори со сопругата, решив дека би си го загрозил животот кога би учествувал во твоето интервју’“, рече Фара.
