Земјотресот оштети згради и клучен пристапен мост во големиот јужен град Генерал Сантос и предизвика цунами од еден метар што ги погоди блиските брегови, соопштија официјални лица.
Филипинскиот претседател Фердинанд Маркос помладиот повика на претпазливост во областите склони кон цунами, а властите во Индонезија и Малезија исто така издадоа предупредувања за нивните блиски крајбрежни области.
QUAKE. A power transformer at the corner of Rizal and Bolton streets in Davao City sways due to a strong earthquake on Monday (June 8, 2026).
The tremor prompted employees and customers to immediately evacuate nearby establishments. Workers from several food chain restaurants… pic.twitter.com/bSoHYUms7w
— Philippine News Agency (@pnagovph) June 8, 2026
Тихоокеанскиот центар за предупредување од цунами соопшти дека заканата од цунами во голема мера поминала околу пет часа по земјотресот, кој се случи во 7:37 часот по локално време, но ги повика луѓето да ги следат упатствата на локалните власти, бидејќи нивото на морето може да варира во наредните часови.
Земјотресот, најсилниот што ги погодил Филипините во 2026 година е регистриран во морето околу 13 километри југоисточно од Генерал Сантос, град со повеќе од 700.000 жители, кој е центар за преработка на туна и други комерцијални активности во јужниот филипински регион Минданао.
Earthquake in General Santos City, The Philippines on June 8, 2026 pic.twitter.com/ye8LHYwVzB
— Noypi (@noypistuff) June 8, 2026
Филипинскиот претседател рече дека службите за одговор при катастрофи се подготвени и рече дека централната влада дејствува и нема да го напушти Минданао.
Бројот на жртви се искачи на 15, соопшти Филипинската канцеларија за цивилна одбрана.
WATCH: Massive damage seen at General Santos International Airport in General Santos, Philippines after the powerful earthquake. pic.twitter.com/GkVYayzL4L
— Scope Report (@ScopeReport_) June 8, 2026
Според Родриго Сосмења, директор на локалната канцеларија за цивилна одбрана, во регионот Сокссарген, кој ги вклучува провинциите Јужен Котабато, Султан Кударат и Сарангани, како и градот Генерал Сантос, пријавени се 12 смртни случаи.
Сосмења додаде дека најмалку 129 лица се повредени во регионот, додека спасувачките и службите за итни случаи продолжуваат да ја проценуваат големината на штетата и да бараат можни жртви.
Just awful!
This is just one of the buildings I’ve seen collapse after the M7.8 earthquake in the Philippines. This is in General Santos City…pic.twitter.com/SdOA0HlwON
— Volcaholic 🌋 (@volcaholic1) June 8, 2026
Меѓународниот аеродром во Генерал Сантос беше привремено затворен поради земјотресот, а 17 домашни летови беа откажани, соопштија претставници на цивилното воздухопловство.
Филипинскиот институт за вулканологија и сеизмологија (Фиволкс) соопшти дека станува збор за силен земјотрес за кој се очекува дека предизвикал штета и дека оштетените згради веќе можат да се видат на видео снимки.
Фиволкс изјави дека вкупно 138 последователни потреси се регистрирани до 11 часот наутро по локално време по главниот земјотрес со јачина од 7,8 степени.
Американскиот геолошки завод исто така регистрираше последователни потреси со магнитуда од 6,5 степени. Според институтот, земјотресот е регистриран на длабочина од 55 километри.
