Таа на Телеграм напиша дека САД покажале целосна немоќ како управувачка сила. Талибанците кон средината на минатиот месец ја преземаа контролата врз Авганистан, по повлекувањето на американските и силите на НАТО од таа земја.
„Видео-снимките на самоуништувањето на „невидливата машина“, кои беа прикажани низ светот, уште поуверливо демонстрираат дека секоја воена калкулација на НАТО е целосна утка како военополитички блок кој ја презема водечката улога во обезбедувањето на светскиот поредок“, наведе Захарова.
Таа истакна дека НАТО, и покрај неуспехот во Авганистан, планира да одржи голем број воени вежби, особено во балтичките и земјите од Источна Европа, и да го зајакне присуството на Арктикот, пренесува ТАСС.
„Судејќи по катастрофата во Авганистан, на НАТО му се попотребни вежби во планините и степите отколку на пасишта и ливади, но изгледа дека Алијансата е премногу вовлечена во виртуелниот судир со Русија“, истакна Захарова.
Таа додаде дека падот на НАТО е очигледен, со потсетување дека барем воените возила од Ирак беа превезени во балтичките земји и дека „отпадот им беше дониран на вазалите“.
„Тие во Авганистан беа толку исцрпени што решија да ги остават автомобилите и хеликоптерите на оние против кои ги користеа“, додаде Захарова.
